منتدي الدعم الفني وضمان الجودة بطما

نحن سعداء بوجودك معنا إذا كنت عضوا تفضل بالدخول وإذا كنت زائرا يسعدنا جدا أن تصبح من أسرتنا وأن تساهم معنا في نشر فكرِ تربوي راقِ

شاركنا بأفكارك لنصنع معا مستقبلا أفضل

شاركنا جهود التطوير لا تشاهد وترحل


    ضاع الوطن العربي ضاع

    شاطر

    أبوزيد بيومي

    عدد المساهمات : 1
    نقاط : 3
    تاريخ التسجيل : 31/03/2009

    ضاع الوطن العربي ضاع

    مُساهمة  أبوزيد بيومي في الثلاثاء مارس 31, 2009 8:09 am

    [b]
    ضاع الوطن العربي ضاع

    أبوزيد بيومي



    بين القمة وبين القاع
    شجب و كدب وخوف و خداع
    بعد دراسة للأوضاع
    ضاع الوطن العربي ضاع

    بين القمة و قمة هاتيجي
    باخلط جدي على تهريجي
    نص كلامنا العربي جريجي
    فاتحين بابنا للأطماع
    ضاع الوطن العربي ضاع


    بين القمة و قمة هاتمشي
    ياكرامتنا ليه تنكمشي
    دايما ناقصة مابتجمعشي
    ضاربة كلام في حديت وصداع
    ضاع الوطن العربي ضاع


    خدنا قرار واتنين و تلاتة
    قلنا الماضي عدى و فاتا
    اقروا الفاتحة على الأمواتا
    راحوا ضحايا للإقناع
    ضاع الوطن العربي ضاع


    خدنا قرار و اتنين و عشرة
    و اتكلمنا و قلنا النشرة
    حرصا منا لحسن العشرة
    جار لو جار " يأمر فيطاع "
    ضاع الوطن العربي ضاع


    ليه عايشين بيانات على طول
    عمر بيان ما يفيد ولا قول
    و لا ياخد تار للمقتول
    ولا يغني للأمة ضَرَاع
    ضاع الوطن العربي ضاع



    ضاعت غزة و ضاعت يافا
    سلّمناها ذوق و لطافة
    بين بغداد والقدس مسافة
    لكن قصرت بالأوجاع
    ضاع الوطن العربي ضاع


    ذل و ضعف ونخوة مفيش
    شرف الأمة للتفتيش
    وطنك فارشه ليهم خيش
    داسو عليه كلاب و رعاع
    ضاع الوطن العربي ضاع



    نخلنا شال على راسه الطين
    عليت ليه أسوار حطين
    ليه أصبحنا منحطين
    ليه كرامتنا لغيرنا مشاع
    ضاع الوطن العربي ضاع



    ليه سلّمنا فــ كامب و أسلو
    ليه يخدعنا و بنرقصله
    ليه بنسلم كدة من أصله
    ليه بنسلم لوي دراع
    ضاع الوطن العربي ضاع

    ليه بنسلم بعد مهانة
    صبرا شاتيلا غزة و قانا
    عمره ما مرّة سلامنا وقانا
    بعد صراع بنروح لصراع
    ضاع الوطن العربي ضاع

    بكرة دواير جاية تدور
    قدس و بغداد على دارفور
    ورا بعضينا وقفنا طابور
    واحد ورا واحد نتباع
    ضاع الوطن العربي ضاع
    ضاع الوطن العربي ضاع
    [b]
    avatar
    محمود عبد الرازق
    Admin

    عدد المساهمات : 197
    نقاط : 285
    تاريخ التسجيل : 22/02/2009
    الموقع : http://gawdateam.ahlamontada.net/

    رد: ضاع الوطن العربي ضاع

    مُساهمة  محمود عبد الرازق في الأربعاء أبريل 01, 2009 10:18 am




    اولا نشكر الاخ العزيز الدكتور والشاعر الكبير على مساهمتة الرائعة ونتمنى منة المزيد والمزيد من الاشعار الرائعة لانة عضو فعال فى الفريق ونرجوا ان يصبح عضو اكثر فاعلية فى المنتدى.

    محمد وائل


    ثانيا
    [b]











    avatar
    سيد حلمى سيد
    مشرف المنتدى القانوني
    مشرف المنتدى القانوني

    عدد المساهمات : 745
    نقاط : 2145
    تاريخ التسجيل : 23/03/2009
    العمر : 40

    رد: ضاع الوطن العربي ضاع

    مُساهمة  سيد حلمى سيد في السبت أبريل 10, 2010 9:16 am

    الدكتور ابو زيد بيومى شاعر واديب خطير له باع طويل فى الشعر لا يبارى واعلم انه لديه كنوز شعرية لا تقل روعة عن تللك القصيدة فهلا متعنا بها بعد طول غياب

      الوقت/التاريخ الآن هو الأحد سبتمبر 24, 2017 11:53 am